Geldi galam gaşly gyz,
Jilwe kylyp ýanyma;
Kirpikleri tygma-tyg,
Geçer meniň janyma.
Men diýdim ki: «Roýy gül,
Hyzmatyňda bendi gul,
Gahryň goý-da, sabyr kyl,
Suwsan bolsaň ganyma».
Men diýdim ki: «Jan talaş,
Didäm döker ganly ýaş,
Bakmadyň-la bagry daş,
Haly perişanyma».
Bir şeýda bilbil bolsam,
Yana-ýana kül bolsam,
Bir gije dahyl bolsam,
Täze gülüstanyma.
Hiç yorum yok:
Yorum Gönder